PËR TEK TI TANI JAM NISUR

PËR TEK TI TANI JAM NISUR

Nga kaq larg me ankth udhëtoj.
Me orë të tëra përmbi re...
Oh!...Kjo orë që të arrij,
E di më pret dhe je atje.

E çdo të bëjmë çastin e parë
Kur të shikoj unë sytë e tu.
Do të përpij me mallë dhe lotë
Do të gënjej: kam qenë këtu!

Më pas do ndjejmë që jemi pranë
Do fillojmë të themi plot.
Do dalim udhëve të këndojmë
Do shuajmë orët kotë më kotë.

E shohim prapë rindarjen tonë
Që pas ca orësh po na pret.
...Po le më mirë aty t'i themi,
Se tani poshtë kam vënë retë...