MË BËN...

MË BËN...

Më bën të ndihem shpesh kaq i vetmuar
më bën të zgjohem netëve të gjata
më bën të jem një pasion i harruar
endacak i ëndrave të mia të pamata...

Porsi një dëshirë e pamundur më bën të endem
barbon në kërkim të një zemre të artë
një lotë që buzëqesh më bën të jem
mirazheve të një shkretëtire të thatë...

Më bën të jem gjithçka që s'mundem
më bën të kem gjithçka që s'kam
më bën të ndjej teksa të prek buzët
ëmbëlsinë e ëndRrës në të cilën jam...

Përtej çdo skaji më bën të jem i dashuruar
çdo imagjinate më bën që t'ia kaloj
më bën të lumtur, më bën të vuaj
e mbi të gjitha më bën të të dashuroj.