MIQËSI APO DASHURI?

MIQËSI APO DASHURI?

Kur ty s'të shoh nuk qaj e nuk rënkoj
mendjen nuk e humbas kur të takoj
megjiithatë, kur kohë rri pa të parë
diç më mungon ndjej mallin të më marrë...
dhe vetën pyes unë me kurështi ...
vallë miqësi të jetë kjo apo dashuri?

Kur sysh më zhdukesh s'mund më asnjëherë
fytyrën tënde në mendje ta sjell
megjithatë padashur kam ndjerë...
se ajo kujtesë pranë rri përherë
dhe pyetja më kthehet përsëri...
miqësi të jetë kjo a dashuri?

Kam vuajtur shpesh e s'kam menduar kurrë
tek ti të prehet zemra ime e sëmurë...
por rrugëve kur endem pa qëllim
as unë s'e di në pragun tënd ç'më shtynë
dhe duke hyrë pyes përsëri...
... oh ç'është kjo që më sjell këtu
miqësi apo dashuri?

Kur dora ime tënden e mbështjell
zhytem padashur në një paqe të thellë...
dhe jeta shkon e shëndrrohet në një ëndërr
nga e zgjon papritur rrahja e fortë në zemër
që kurështare pyet përsëri...
miqësi të jetë kjo apo dashuri?

Kur këngën varg pas vargu për ty ngrita
nga shpirti poetik, diktat nuk prita
por e habitur s'mora vesh as vetë
mendimet, rimat si erdhen aq shpejtë
dhe pyeta së fundi përsëri ...
miqësi më frymëzoi apo dashuri?